¿Que facer ante un tumor no peito? ¿Que me espera? ¿Onde podo encontrar axuda en cada momento? ¿Que conto e como o conto? ¿Que me podo crer de todo o que me explican?

Este libro recolle pequenos trucos e receitas cotiás que te axudarán a encontrar as respostas que necesitas á hora de afrontar un cancro de mama.

Teresa Ferreiro considerou o seu tumor como un proxecto máis cunha data de inicio e unha de fin, sen permitir que invadira toda a súa vida. Como ela mesma di: "Non quero que o tumor se sente a cear con nós cada noite".

O día que recibiu o diagnóstico comezou un traballo de investigación e aprendizaxe para encontrar as respostas que os médicos non lle daban: alternativas terapéuticas, métodos e receitas para soportar o tratamento o mellor posible. As súas experiencias e segredos están recollidos  nestas páxinas co fin de axudar a outras persoas na súa mesma situación.

TERESA FERREIRO  é licenciada en Ciencias da Información pola Universidade Complutense de Madrid, ten un posgrado obtido nesta mesma universidade e complementou un programa de formación para Jóvenes Talentos na escola de negocios IMD.

A súa traxectoria profesional en distintas empresas e institucións multinacionais levouna a vivir en varios países. Muller emprendedora, traballou como responsable de proxectos en Suiza. Regresou a España para poñer en marcha unha innovadora empresa -pioneira no seu sector- de aprendizaxe e motivación empresarial interactiva a través da música. Foi todo un éxito no mercado.

Actualmente, Teresa compaxina a súa actividade como consultora de marketing e comunicación co desenvolvemento de novos proxectos. Cun interés xenuíno e profundo cara ás persoas, desde mozo trata de comprender e emprende un camiño de búsqueda e apertura polo que, a día de hoxe, segue avanzando. A autora entende o seu tumor de mama como unha experiencia máis das tantas que van deixando pegada na vida das persoas, sen querer que esta se convirta no punto de inflexión clave da súa existencia.